ՄՈՍԿՎԱՅԻ ԻՐԱԿԱՆ ՆՊԱՏԱԿԸ
Հայաստանում շատերը չեն հասկանում Կրեմլի իրակա՛ն նպատակը:
Մոսկվան ցանկանում է և՛ ամեն ինչ անում է,որ (Հայաստանով) Իրանի ճանապարհը դեպի Եվրոպա փակվի: Իսկ Արևմուտքը ցանկանում է,որ այդ ճանապարհը բացվի: Սա՛ է հիմնական խաղը: Որպեսզի (Հայաստանով) Իրանի ճանապարհը դեպի Եվրոպա փակվի, Սյունիքի գլխին միշտ «վտանգ» կախված պիտի լինի. ու որպեսզի նաև «արդարացվի» Սյունիքում ռուս զինվորի ներկայությունը:
Գումարած Քաջարանում գործող ԶՊՄԿ-ն (ու մյուս սյունյաց հանքերը) զավթած ռուսական այդ կասկածելի կլանը,որը Կրեմլի հետ կապեր ունի: Քանի դեռ Սյունիքում ռուս զինվոր և՛ ռուսական հանքային կլան կա, Իրանի ճանապարհը (Հայաստանով) դեպի Եվրոպա վտանգված է: Իսկ Արևմուտքը ահա ցանկանում է նշված ճանապարհը մաքրե՛լ ռուսական (վտանգավոր) տարրերից: Մոսկվան այսօր Սյունիքի գլխին «վտանգ կախելու» մե՛կ միջոց ունի. ադրբեջանցիների ձեռքով անընդհատ սրացումներ հրահրել Արցախու՛մ (Սյունիքում արդեն չեն կարող. ԵՄ դիտորդներ կան):
Մոսկվայի նշանաբանը. անկայուն Արցախ՝ անկայուն Սյունիք: Իսկ ահա Արևմուտքի նշանաբանը. կայուն Արցախ՝ կայուն Սյունիք: Կրեմլի քարոզիչները հայ հանրությանը փորցում են «ծուռ հայելիների» միջոցով «իրականությունը» հրամցնել: Բայց՝ հայ հանրությունը պիտի պարզապես նայի միայն փաստերի՛ն: Փաստերը՝ թվերի պես, երբեք չեն ստում:
ՎԱՐԱԶ ՍՅՈՒՆԻ
Միջազգային իրավունքի մասնագետ/վերլուծաբան,
Նիդեռլանդներ, 08.03.2023