Ադրբեջանի արտաքին գործերի նախարար Ջեյհուն Բայրամովն իր պարտքն է համարել մեկնաբանել Արցախի պետնախարար Ռուբեն Վարդանյանի պաշտոնից ազատումը:
Ադրբեջանի արտաքին գերատեսչության ղեկավարը նշել է, թե թիկունքում կանգնած մարդիկ հասկացան, որ «Վարդանյան նախագիծը» չի աշխատի, գրում են ադրբեջանական ԶԼՄ-ները:
«Մենք առաջին իսկ օրվանից ասում ենք, որ պատրաստ ենք խոսել Արցախի հայ բնակչության հետ, եղել են դրական արդյունքներ։ Բայց այն մարդը, ով դրսից է եկել Արցախ կամ ուղարկվել է ինչ-որ մեկի խաղերը խաղալու, չի կարող մեզ համար բանակցային կողմ լինել։ Այն մարդիկ, ովքեր կանգնած էին նրա հետևում, հասկացան, որ «Վարդանյան նախագիծը» չի աշխատելու»,- ասել է նա:
Հիշեցնենք՝ երեկ՝ փետրվարի 23-ին, ԱՀ կառավարության նիստում նախագահ Արայիկ Հարությունյանը հրապարակել էր Ռուբեն Վարդանյանին պետական նախարարի պաշտոնից ազատելու մասին հրամանագիրը։