Քաղաքագետ Ստյոպա Սաֆարյանը գրում է…
Արդեն իմանում ենք, թե Մյունխենում Բլինքենն ինչ է ասել հանցագործին
Նեդ Փրայս. «Հայաստանի վարչապետի և Ադրբեջանի նախագահի հետ երեկվա հանդիպմանը ԱՄՆ պետքարտուղարն ընդգծել է Լաչինի միջանցքով ազատ և բաց առևտրային և մասնավոր տարանցման անհրաժեշտությունը։»
Դրա կողքին Ալիևի առաջ դրել են
—Լաչինի միջանցքը անհատների ու կոմերցիայի համար բացելու պահանջը,
—Խելոք խաղաղության պայմանագիրը բանակցելու ու համաձայնեցնելու պահանջը,
-Ամենահետաքրքիրը՝ Պրահայի պայմանավորվածություններին վերադառնալու պահանջը, իսկ նա թռել էր դրանցից Մակրոնին պատճառ բերելով. հիշեցնեմ՝ դա Ստեփանակերտ-Բաքու ուղիղ բանակցություններն են միջազգային մեխանիզմով, Հայաստանի ու Ադրբեջանի սահմանների շտկումն է դեմարկացիա-դելիմիտացիայով ու Հայաստան-Ադրբեջան խաղաղության պայմանագիրն է….
Բա որ երեկ ասում էի՝ բան է եղել, որ ՀՀ վարչապետ Նիկոլ Փաշինյանը հանաձայնել է մասնակցել Հարավային Կովկասի դեբատին….
Իսկ օլուխը Մյունխենից Պուտինին աղեկտուր ազդակ էր տալիս ու ասում՝ «գամ տեղ հասնեմ, Լաչինի միջանցքը ստիպված պետք է բացենք, ու իրար հետ Լաչինում մաքսակետ պետք է դնենք, քանի որ դու չես կարողանում Զանգեզուրի միջանցքը պոկես ու արդեն այստեղ Արևմուտքում պայմանավորվել ենք, որ Նախիջևան մաքսակետով ենք գնալու…» Իսկ դա կամ բերելու է ադրբեջանառուսական բախման /եթե ռուսը Լաչինը թուրքին չտա/, կամ համաձայնության /եթե տա/, իսկ վերջինն էլ դժվար թե Արևմուտքը թողնի…
Ահա թե ինչու փետրվարի 22-ին ՄԱԿ Արդարադատության միջազգային դատարանի վճիռները կարևոր են…
Հետաքրքիր զարգացումներ են սպասվում…