Տեսանյութ՝
Բեգլարյանների ընտանիքի երկու զավակները՝ Հայկն ու Հարությունը, զինվորականի ուղին ընտրեցին, իսկ ծնողները դեմ չեղան, քանի որ որդիների՝ հայրենիքի հանդեպ անսահման սերն ու զինվորականին հատուկ հատկանիշներ դեռ փոքրուց էին նկատել: Հարությունը երազում էր բարձրաստիճան զինվորական դառնալ ու հաղթողի բերկրանքով գրկել տանն իրեն սպասող մորը:
2022 թվականի սեպտեմբերի 13-ին Հայաստանի պետական սահմանին Ադրբեջանի սանձազերծած ռազմական ագրեսիան ընդհատեց սպայի կյանքը: Երկու ոտքից վիրավորվելով՝ Հարությունը մինչեւ վերջին շունչն արիաբար կռվել է, օգնություն խնդրել զինվորական եղբորից: